Eusko Jaurlaritzak estalduraren % 100 ziurtatuko du seinale analogikoa ezabatu aurretik. Araban eta Bizkaiko zati batean urtea amaitu aurretik gertatuko da eta Gipuzkoan 2010eko apirilaren 3an izango da.

Lurreko Telebista Digitala errealitate bihurtuko dela aurreikusten da euskal lurralde osoan 2010eko apirilaren 3an. Egun honen aurretik Eusko Jaurlaritzak seinale analogikoa “itzali egingo du” hiru fasetan: urriaren 30ean Araban; abenduaren 31n Durangaldean eta Ermuan (Bizkaia); eta 2010eko apirilaren 3an Bizkaia osoan eta Gipuzkoan.

“Ez dugu aldaketa egin nahi herritar guztiek LTD seinalea jasotzen dutela egiaztatu arte. Euskal lurraldearen % 98k estaldura du eta beste % 2ra seinalea iristea zaila da, orografia dela-eta”, adierazi du Obdón Bilbaok, Administrazio Publikoetarako sailburuordeak. Lurraldearen % 2 horretan seinalea berriz zuzentzeko 8 milioi euroko inbertsioa egin behar da.

LTD sustatzeko kanpaina

Eusko Jaurlaritzak deskodetzaileak banatuko dizkie pertsona eta elkarte ahulenei edo gizartetik at gelditzeko arriskua dutenei, baita euren kabuz teknologi aberri hau eskuratzeko gai ez direnei ere. Helburu honekin, eta gailu eta hargailuak instalatzeko, Ingeniari Eskolarekin hitzarmena sinatuko da.

Uda ondoren Eusko Jaurlaritzak informazio kanpaina bat burutuko du Lurreko Telebista Digitalaren erabilera hedatzeko. Baliabide hau etorkizunean komunikazio-tresna izango da eta adibidez, gure mediku-historiala edo trafikoaren inguruko informazioa eskuratzeko erabili ahal izango dugu. Administrazio Publikoetarako Saila datu-zerbitzuen eta telebistarekin elkar eragina duten enpresekin lankidetzan ari da garapen hauek lortu ahal izateko.

Eusko Jaurlaritzak, adostasuna eta elkarrizketa oinarri hartuz, estatutua garatzeko prozesua beteko du eta ondorioz oraindik eman ez dizkioten eskumenak eskatuko ditu. Hala adierazi zuen Justizia eta Administrazio Publikoetarako sailburuak, Idoia Mendiak, ekainaren 24an Eusko Legebiltzarrean izandako agerraldian, estatutu prozesuaren inguruan aritu zenean. 

Mendiak gogorarazi zuen Euskal Autonomia Erkidegoak Europako autonomia mailarik altuenetakoa duela eta estatutuaren garapena euskal politikaren normalizazioaren inguruko bestelako prozesu edo ekimenetatik bereizteko eskatu zuen. Gernikako Estatutuarentzat hiritarren interes komuna lehentasuna dela adierazi zuen eskumenak zein ordenatan emango diren ezartzerakoan. Zentzu honetan oraingo Gobernua enplegu eta azpiegituren eskumena eskualdatzeko negoziaketetan hasi dela esan zuen, Euskadik bi eskumenak izan ditzan 2010eko urtarrilaren 1etik aurrera.